Poet: Rukhsana Noor
مجھے اُس دیس لے جاؤ مجھے اُس دیس لے جاؤ
جہاں بے رنگ بھیگیں پیار میں رنگدار ہو جائیں
جہاں نظریں ہی پیکر کو بنا دیں خوبصورت اور
اندھیرے میں کرن خوشبو کی مانند پھیلتی جائیں
مجھے اُس دیس لے جاؤ مجھے اُس دیس لے جاؤ
جہاں پر بدلیاں دھیمے سروں میں گنگناتی ہوں
جہاں پہ روشنی اور رنگ کی بارش اترتی ہو
جہاں سب درد کی جھیلیں بھی ہنسی مسکراتی ہوں
مجھے اُس دیس لے جاؤ مجھے اُس دیس لے جاؤ
جہاں سورج تمازت چھاؤں چادر سے لپٹ جائے
جہاں صحرا بھی ساحل کی طرح پانی میں ڈوبا ہو
جہاں اظہار بھی خاموشی کی سب زبانوں میں
مجھے اُس دیس لے جاؤ مجھے اُس دیس لے جاؤ
مجھے اُس دیس لے جاؤ مجھے اُس دیس لے جاؤ
No comments:
Post a Comment