Sad Poetry - راز کی باتیں

Poet: inam-al-haq javaid

ہر لفظ کو کاغذ پہ اُتارا نہیں جاتا
ہر نام سرِعام پکارا نہیں جاتا

ہوتی ہیں محبت میں کئی راز کی باتیں
ویسے ہی اس کھیل میں ہارا نہیں جاتا

آنکھوں میں لگایا نہیں جاتا یونہی کاجل
زلفوں کو بلاوجہ یونہی سنوارا نہیں جاتا

ہر شخص کو طوفان بچانے نہیں آتے
ہر ناؤ کے ہمراہ کنارہ نہیں جاتا

تب تک نہیں کھلتے کبھی اسرارِ محبت
جب تک کوئی اس راہ میں مارا نہیں جاتا