Red Rose - Occassional / Events Poetry

wohi galiyaan wohi koochay wohi serdi ka mausam hai
usi andaaz se apna nizam-e zeest berham hai
ye husn-e ittefaq aisa k nikhri chandni b hai
wohi hr samt veerani udasi tashnagi si hai
wohi hai bheer sochon ki wohi tanhaiyaan phr se
musafir ajnabi or dasht ki pinhaaiyan phr se
mujhe sb yaad hai kuch saal pehle ka ye qissa hai
wohi lamhaa to veerany ka ek aabad hissa hai
meri aankhon mei wo ek lamha mojood ab bhi hai
wo zinda raat ki tanhai mei srgoshiyaan ki thin
kisi ki narm guftaari ne dil ko loriyaan di thin
kisi ne meri tnhai ka sara qarb baanta tha
kisi ne raat ki chunri mei roshan chand taanka tha
chamkte jugnuon ka sail ek bakhsha tha raton ko
dharakta sa naya unwan diya tha mere khuabon ko
mere sheron mei wo elhaam ki soorat mei utraa tha
muafi bn k jo lafzon mei pehli baar dherka tha
wo jis k hone se zindagi naghma saraai hai
use kehna k bheegi janwari phir lot aai hai