Shehr Ki Rounqoun Se Ghabhra Ker
Dhoondhta Hoon Udaas Veeranay
Rooh Mein Kis Qadar Udaasi Hay
Kis Ko Maloom Koee Kya Jaanay
Shaam Ke Dhundhlkay Mein Gum Ho Ker
Beetay Lamhaat Ka Ghubaar Liyay
Raat Ki Nurm Nurm Bahoun Mein
Ro Raha Hoon Dil-E Figaar Liyay
Meray Kamray Ki Aik Khirki Say
Chandni Aa Rahi Hay Chhun Chhun Ke
Pass Reh Ker Bhi Tum Say Door Rahay
Dermiyan Faslay Rahay Mann Ke
Ujree Ratoun Ka Gehra Sannata
Beeti Yadoun Ke Phailtay Saayay
Unhi Rahoun Mein Aaj Phirtay Hein
Kaash Bhoolay Say Tu Chali Aayay
Gham Ki Rahoun Mein Chalnay Waloun Ka
Koee Hamdard Koee Meet Naheen
Jab Se Bichhray Hein Teri Bahoun Say
Meray Hounton Pe Koee Geet Naheen
No comments:
Post a Comment