Poet: Shama
فاصلے کتنے ہوں لیکن دل جدا ہوتے نہیں
دور رہنے والے اکثر بے وفا ہوتے نہیں
چھو رہی ہے دل کو میرے تیرے دل کی ہی صدا
منزلوں سے نقش پا کیوں آشنا ہوتے نہیں
موسموں میں ہجر کے بھی وصل کا آرام ہے
وصل کے لمحات یادوں سے جدا ہوتے نہیں
لمحہ ہوں سویا ہوا اک میں غبارِ وقت میں
جس سے یہ شام و سحر اب آشنا ہوتے نہیں
کب بھلا ہم نے کہا کہ ہم سے وہ غافل ہوا
شمع پر شکوے گلے بھی بے وجہ ہوتے نہیں
No comments:
Post a Comment