Ye Jo Shafaf Sa Ik Aks Us Jheel
Mein Tha
Koi Chehra Tha Magar Chand Ki Tamseel Mein Tha
Yaad Karta Hoon Kahan Bhool Ke Aya Hoon Usay
Aisa Hi Aks Meri Soch Ki Zambeel Mein Tha
Baat Kiya Thi Ye Mujhe Achi Tarah Yaad Nahi
Haan Tera Zikar Bhi Tha Aur Barri Tafseel Mein Tha
Koi Pegham Tha Aankhon Mein So Aankhon Mein Raha
Masla Asal To Pegham Ki Tarseel Mein Tha
Is Naye Nuskhay Mein Tareef Hui Hai Warna
Zikar Mera Bhi Kahin Piyar Ki Injeel Mein Tha
No comments:
Post a Comment