Poet: Abdul Waheed Sajid
دلوں کا روگ بن جانا محبت کی سزا ہونا
نہیں اچھا اچانک یوں تیرا مجھ سے جدا ہونا
فقط اک بار تو کہہ دو کہ تم میرے لئے ہو پھر
بھلے ناراض ہو جانا بھلے تم بے وفا ہونا
مجھے جب یاد تم آنا ہمیشہ یاد ہی آنا
مگر دیکھو نمازوں کی طرح نہ تم قضا ہونا
تمہاری جان کے دشمن ابد تک تم کو مانگیں گے
مچلتی ہے جو ہونٹوں پہ ہمیشہ وہ دعا ہونا
کبھی تنہا جو بیٹھو گے تمہیں بھی یاد آئیگا
ذرا سی چھیڑ پر تیرا وہ ساجد سے خفا ہونا۔
No comments:
Post a Comment