Poet: Akhter Raza Akhter
دل کا کہنا مان کے اکثر کہلائے دیوانے لوگ
کہنے کو ہیں ساتھ ہمارے دنیا سے بیگانے لوگ
جان کے سب کچھ، کچھ بھی نہ جانیں یہ جانے پہچانے لوگ
برسوں سے ہیں ساتھ ہمارے یہ کیسے انجانے لوگ
عقل و خرد کی بات نہیں سب مطلب سے ہی ملتے ہیں
اب جب مجھ کو ہوش نہیں ہے آئے ہیں سمجھانے لوگ
مرض کا کچھ معلوم نہ ہو علاج کرے کیا چارہ گر
پاگل کہہ کر چھوڑ دیا جب مرض نہیں پہچانے لوگ
حق کی بات جہاں بھی کی ہے رسوا اور بدنام ہوا
باطل کے گن گائے سب نے اختر کی نہ مانے لوگ
No comments:
Post a Comment