Poet: Khalid Roomi
مٹ گیا سارا زندگی کا شوق
کیا کروں اب میں اس گلی کا شوق
ہو گیا اس کو بیخودی کا شوق
تھا جسے بھی یہ دل لگی کا شوق
آدمی کو ہوا کجی کا شوق
مٹ گیا بندہ پروری کا شوق
جاں چھڑاتے ہیں لوگ محنت سے
پر سبھی کو ہے برتری کا شوق
دل چڑھا بھینٹ اس زمانے کی
گیا ہے تیری دوستی کا شوق
دیکھ اس راہ میں سنبھل کے چل
نہیں اچھا یہ ہر گھڑی کا شوق
مسکرا کے بھی کوئی بات کرو
نا مناسب ہے بے رخی کا شوق
سوز دل کے طفیل ہم کو ملا
روز و شب شعر و شاعری کا شوق
اب یہ رونا، نصیب ہے رومی
تھا تمہیں جو بہت ہنسی کا شوق
No comments:
Post a Comment