Poet: Parveen Shakir
ہرے لان میں
سُرخ پُھولوں کی چھاؤں میں بیٹھی ہوئی
مَیں تُجھے سوچتی ہوں
میری اُنگلیاں
سبز پتوں کو چُھوتی ہوئی
تیرے ہمراہ گزرے ہوئے موسموں کی مہک چُن رہی ہیں
وہ دلکش مہک
جو میرے ہونٹ پر آ کے ہلکی گُلابی ہنسی بن گئی ہے
دُور اپنے خیالوں میں گُم
شاخ در شاخ
اِک تیتری، خوشنما پَر سمیٹے ہوئے، اُڑ رہی ہے
مُجھے ایسا محسوس ہونے لگا ہے
جیسے مُجھ کو بھی پَر مِل گئے ہوں
No comments:
Post a Comment