Duniya Sey Muje Piyar Tha
Sab Bhoolna Chahta Hoon
Ik Shakhs Mera Yaar Tha
Sab Bhoolna Chahta Hoon
Wo Hijar Ki Raton K Sulagtey Huey Lamhe
Ankhon Pe Koi Bhar Tha
Sab Bhoolna Chahta Hoon
Haan Meari Khata Thi K Tujhe Toot K Chaha
Han Mein He Gunahgar Tha
Sab Bhoolna Chahta Hoon
Yeh Kis Ne Mujhe Dhoop Ka Ik Roop Diya Hai
Mein Saya-E-Deewar Tha
Sab Bhoolna Chahta Hoon
Ab Ghum Mujhe Deemak Ki Tarah Chaat Rahe Hein
Mein Khushiyon Sey Sarshar Tha
Sab Bhoolna Chahta Hoon
Bakhshi Hai Mujhe Piyar K Badle Mein Judai
Jo Bhi Tera Kirdar Tha
Sab Bhoolna Chahta Hoon
Ankhein Shab E Furqat Mein Raha Kerti Thein Pur Nam
Mein Tera Talab Gar Tha
Sab Bhoolna Chahta Hoon
Bas Itna Mujhe Yad Hai Ik Wasal Ki Shab Thi
Ikrar Tha Inkar Tha
Sab Bhoolna Chahta Hoon
Sach Maan K Ab Kuch Bhi Yad Nahi Hai Mujh Ko
Tu Kis Ka Tarafdar Tha
Sab Bhoolna Chahta Hoon
Ik Shaks Ne Pagal Sa Bana Rakha Hai Wasiq
Mein Kitna Samajhdar Tha
Sab Bhoolna Chahta Hoon
Duniya Sey Mujhe Piyar Tha
Ik Shaks Mera Yaar Tha
Sab Bhoolna Chahta Hoon
No comments:
Post a Comment