Poet: Ghazala Tabassum
اے شبنم گل٬ اے باد صبا
اے اڑتی کوئل٬ گنگناتی کلیاں
جھومتے درخت٬ گاتی چڑیاں
نم شبنم٬ اور کھلتے گلاب
جا میرا پیغام دے دینا
دکھ درد کے ماروں کو سلام دے دینا
جو خود نہ کہہ سکی
وہ پیغام انسیت دے دینا
اے ہوا اڑتی اڑتی چلی جا
غموں میں اٹے ہوؤں کے غم اڑا لے جا
کہہ دینا اسے وہ تو خود تنہا ہے
آنسوؤں سے لبریز٬ پر زندہ ہے
رشتوں کی تلخیوں پہ حیراں ہے٬ تو پریشاں
ہے تو میں غمزدہ ہوں
چلی بھی جا اے صبا
غموں کے ماروں کو خوشی کے گیت سنا آ
انہیں بس اب یہ نوید سنا آ
شادمانیوں کا دامن تھما آ
جا اے نغمہ گر٬ چن لے دکھہ سارے ان کے
جو حال سے بے حال٬ پریشاں ہے٬ اداس ہے
زندگی کے ستم پہ حیراں ہے٬ سوز دل ہے
جا کہ مرہم رکھہ آ
اب کے برس تو شادماں کر جا
No comments:
Post a Comment