Poet: Waheed Mughal
دور رہ کر تم کیسے جی پاؤ گے
مئے فراق بھی کیسے پی پاؤ گے
مجھ سے ملو ناں ملو ہے اجازت تم کو
راہوں پہ نگاہیں مگر بچھی پاؤ گے
حسنِ یار کے دیدار کو اٹھی تھی ورنہ
جب بھی آؤ گے نگاہ جھکی پاؤ گے
شہر کے لوگوں کو ہے نفرت مجھ سے
تم آؤ گے تو ہر سو خوشی پاؤ گے
بے دھڑک چلے آؤ شب کے کسی پہر
چراغوں کی ضیا میں حیا چھپی پاؤ گے
کون حالِ دل سن کر وحید دلاسا دے گا
اپنوں میں خود کو جب اجنبی پاؤ گے
No comments:
Post a Comment