Poet: Shama
لمحہ لمحہ یاس کا اب آس میں ڈھلنے لگا
سوچ کی دیلز پر پھر اک دیا جلنے لگا
کِھل گئی مانندِ لالہ کِشتِ غم کی ہر کلی
شاخِ ہستی کے رگ و پے میں لہو چلنے لگا
اک حقیقت کے بھنور میں خواب کھو کے رہ گیا
جب کبھی تعبیر کا ساحل اُسے ملنے لگا
ہے بڑی بے تاب منزل سوچ کے یہ چل پڑے
راستے میں یاد کچھ آیا قدم رکنے لگا
شمع تیرے پیار کا پھیلا یہ کیسا دائرہ
ہر کسی کا درد و غم یہ دل تیرا سہنے لگا
No comments:
Post a Comment