Poet: Arif Shaikh Arif
میری آواز کو اک ساز میں لا نے کے لئے
اک دیا روز جلے مجھ کو جلانے کے لئے
تو اگر روٹھ گیا ہے تو کوئی بات نہیں
ہر جتن میں نے کیا تجھ کو منانے کے لئے
خود کو رسوا میں کروں تجھ پہ کوئی آنچ نہ ہو
میں پریشان پھروں تیرے زمانے کے لئے
زندگی تیری وفاؤں کا صلہ کس کو ملا
باتیں بنتی ہی گئیں میرے فسانے کے لئے
عارف اس زیست کا حاصل تو یہی ہے لیکن
ہنستے گاتے ہی رہیں سب کو ہنسانے کے لئے
No comments:
Post a Comment