Meray Lahoo Main - Life Poetry

Chali Jo Aandhiyaan Meray Lahoo
Main
Giray Kuchh Ashiyaan Meray Lahoo Main

Yeh Sheesha Motbar Ho Jay Shayed
Mila Do Kirchiyaan Meray Lahoo Main

Teri Tasweer Bhi Dhundhla Gai Hai
Huwa Kal Shab Dhuwaan Meray Lahoo Main

Yeh Gardish Hi Nhin Maqsood Iska
Hay Mahshar Tak Nihaan Meray Lahoo Main

Khudaya Kiyoon Mujhay Sehra Main Bheja
Chhupa Ker Aandhiyaan Meray Lahoo Main

Aur Tu Aur Meray Apnon Ne
Dabo Li Ungliyaan Meray Lahoo Main

Badan Phoolon Ka Uryaan Ho Raha Hai
Giri Hain Pattiyan Meray Lahoo Main

Meray Wajood Ki Wussat Na Poochho
Chhupay Hain Aasmaan Meray Lahoo Main

Hadood E Waqt Ki,Tarseel E Jaan Ki
Chhupi Hai Dastaan Meray Lahoo Main

Samajh Ker Ik Gul E Taza Ka Lasha
Giri Chand Titliyaan Meray Lahoo Main