Poet: Lubna Abdunnaeem
چاندنی رات ہے اور ہم تنہا
پھر رہے ہیں بچشم نم تنہا
منزلیں گرد پا تھیں تم جب تھے
لڑکھڑاتے ہیں اب قدم تنہا
ہو کہاں تک مقابلہ آخر
سینکڑوں غم ہیں اور ہم تنہا
کیا ہوا تو جو ساتھ چھوڑ گیا
ہم جئیں گے تیری قسم تنہا
کون ہوتا شریک غم اے دوست
سہ رہی ہوں میں غم پہ غم تنہا
زندگی اور کوئی دوست نہیں
کاٹنی ہے یہ شام غم تنہا
ہمسفرو میں پا شکستہ سہی
مجھ کو چھوڑو نہ کم سے کم تنہا
No comments:
Post a Comment