Religious Poetry - چاند بھی مسکرانے لگا آج تو

Poet: UA

چاند بھی مسکرانے لگا آج تو
دل لبھانے لگا ہر سماں آج تو

جگمگانے لگا آسماں آج تو
مسکرانے لگا یہ جہاں آج تو

خاتم الانبیاء دوجہاں آج تو
آگئے آگئے مہرباں آج تو

بے سہاروں کے وہ سائباں آگئے
غم کے ماروں کے وہ پاسباں آگئے

ظلمتوں کے نشاں وہ مٹانے لگے
نور ہی نور ہر سو پھیلانے لگے

با ادب ہو کے نظریں جھکا لیجیے
بزم شاہ عرب کی سجا لیجئے

مصطفٰی آ گئے سب دعا کیجئے
رب کی رحمت جوش میں آگئی
مصطفٰی آگئے روشنی آگئی