Poet: Tahir
نینن میں برسات لگی ہے منوا جلتا جائے
تجھ بن ساجن اس نگری میں اور مجھے کیا بھائے
برکھا رُت میں کالی بدریا پگ پگ جل برسائے
برہا کا مارا ہے طاہر اُس سنگ روتا جائے
نیل گگن میں سُندر چندا تیری یاد دلائے
سکھیوں کے جھُرمٹ میں جیسا مکھ مسکائے
ساون کی پُروائی میں جب باس کسی کی آئے
کو کو بولے مست کوئیلیا من مورا لہرائے
پریم نگر میں روپ نگر کی رانی سجنو آئی
جس کو ہو منوا پہ قابو وُہ درشن کو جائے
دُکھ سکھ میت بنے انساں کے ڈھلتی چھاؤں جیسے
سُکھ کی گھڑیاں بیت چلیں کیوں پاگل نیر بہائے
اُتر دکھن پر رب پچھم نگری نگری ڈھونڈھوں
پریتم مُکھ دکھلا دے اپنا کیوں مُجھ کو تڑپائے
نینن میں کجرے کی دھاری لاگے مست کٹاری
گھائل من اُس کا ہو جائے جس پر بان چلائے
No comments:
Post a Comment