Jo Zindagi Ke Talkh Haqeeqat Se
Darr Gaye
Woh Log Apni Maut Se Pahle He Mar Gaye
Aayi Kutch Aisi Yaad Teri Pichhli Raat Ko
Daaman Pe Be Shumaar Sitaare Bikhar Gaye
Chhor Aaye Zindagi Ke Liye Naqsh Jawedaan
Deewane Muskura Kar Jidhar Se Guzar Gaye
Meri Nigaah Shauq Ke Uthne Ki Der Thi
Yun Muskuraaye Woh Ke Manaazir Sanwar Gaye
Duniya Me Ab Kholoos Hai Bas Maslehat Ka Naam
Be Laus Dosti Ke Zamane Guzar Gaye
Jinki Wafa Pe Naaz Tha Arif Mujhe
Woh Mil Bhi Gaye To Aankh Bachakar Guzar Gaye
No comments:
Post a Comment