Poet: Hafiz Mazharuddin
نغمہ صل علے روح پہ یوں چھا جائے
حسن تیرا میرے اشعار میں ڈھلتا جائے
تیرے دربار میں یوں شوق کا دامن ہو دراز
میرا ہر لقظ بعنوان تمنا جائے
ہر کثافت سے منزہ ہو میرا قلب حزیں
دل میں ہو شوق تیرا٬ غیر کا سودا جائے
کوئی حیلہ ہو کہ اس شہر طرب میں پہنچوں
کوئی صورت ہو کہ اس شہر میں جایا جائے
پھر ملے آنکھ کو توفیق تیرے جلوؤں کی
پہلے رگ رگ میں تیرا عشق سمایا جائے
ہجر کے کرب میں ہے نصف صدی سے حافظ
آتش عشق میں کب تک یونہی جلتا جائے
No comments:
Post a Comment