Poet: Shama Ansari
ایسے روٹھے اپنے آپ سے اک تیرے جانے کے بعد
کم ملتے ہیں لوگوں سے اک تیرے جانے کے بعد
لکھ لیتے تھے کچھ حرف بیاض اُلفت کی روشنائی سے
نہ رہی تشنگی باقی اب تو اک تیرے جانے کے بعد
گزر جاتا ہے بادل بھی اُداس اب تو میرے آنگن سے
خوشی سے برسا نہیں کبھی اک تیرے جانے کے بعد
لبوں پہ سجا لیتے ہیں خوشیوں کی دھول
آیا نہ کبھی قرار اک تیرے جانے کے بعد
تُو پھر مہکے اک دم تازہ ہوا کا جھونکا بن کر
مانگتی پھر رہی ہوں دعا اک تیرے جانے کے بعد
چھا جاتی ہیں گھٹائیں شام ڈھلے ہی گھر میرے
نہ رہی روشنی باقی اب اک تیرے جانے کے بعد
No comments:
Post a Comment